Momentuz, 25 pertsona atxilotu dituzte. Berriak kaleratu ditu behin betiko zigor eskaerak. Besteak beste, Natale Landari 9 urtekoa, Jose Luis Elkorori 19 urtekoa eta Xabier Arregiri 9 urteko kartzela zigorra. Sententzia abenduaren 10ean kaleratuko dutela iragarri dute.
Natale Landa atxilotu du Guardia Zibilak haren etxebizitzan
Momentuz, Debagoieneko auziperatuen artean, Natale Landa arrasatearra atxilotu du Guardia Zibilak 15:15ean. Xabier Arregi eta Jose Luis Elkoro bergararren etxera joan da Guardia Zibila, baina ez zeuden etxean. Askatasunak jakinarazi duenez, Espainiako Poliziak Alberto Frías, Elena Beloki, Txema Matanzas, Jexux Mari Zalakain, Javier Salutregi, Javi Balanzategi, Joxe Mari Olarra, Mikel Korta, Iñaki O'Shea, Juan Mari Mendizabal, Jose García Mijangos, Iker Casanova, Natale Landa, Manu Intxauspe, Olatz Egiguren, Mario Zubiaga, Ruben Nieto, Xabier Alegria, Patxi Gundin, Pablo Gorostiaga, Joxean Etxeberria, Juan Pablo Diéguez, Xabi Otero, Sabino Ormazabal eta Isidro Murga daude atxilotuen artean. Auzitegiak dio gaur ez duela epaiaren autoa aterako. Mobilizazioak egingo dituzte. Arrasaten eta Oñatin, plazan, 19:30ean azken ostiraleko elkarretaratzea egingo dute eta 20:00etan asanblada deitu dute. Bergaran ere, gaur 20:00etan manifestazioa deitu dute atxiloketak salatzeko eta bihar, 13:00etan. Azken orduko informazioa Arrasate Irratian ere izango duzue.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
