Mundumira jaialdiko antolatzaileek eta Ternua etxeak egindako elastikoen salmentatik ateratzen duten dirua Debagoieneko gobernuz kanpoko erakundeen proiektuak bultzatzeko erabiliko dute. Hiru proiektuk jasoko dute dirulaguntza: Bergarako Africa Directo taldeak Zinderreko (Niger) Karkara auzoan egiten diharduen eskola publikoak; Arrasateko Nubi elkartearen 2009ko Oporrak Bakean egitarauak; eta, Arrasateko Harreman taldearen eskutik, Indiako Munban dagoen umezurtzen etxeak. Saldutako kamiseta bakoitzetik hiru euro bideratuko dituzte proiektu horietara.
24 eurotan eros daitezke Debagoieneko hainbat tokitan; hain justu ere, Eskoriatzako Azkoagaenea hotelean, Inkernu tabernan, Namaste belar-dendan eta Plataforma Vasca de solidaridad con Chiapas elkartean; Arrasateko Harreman dendan; Oñatiko Arantzazuko oroigarrien dendan; Aretxabaletako Asesio arropa dendan; eta Elgetako Espaloian. Era berean, Mundumira jaialdian salgai jarriko dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak