MUk eta Ikerketa Zientifikoen Goi Kontseiluak akordioa sinatu dute

Akordio honen bidez, material berrien eta elikagaien arloetan elkarlanean arituko dira bi erakundeak ikerketa, garapen eta berrikuntzan.

Ikerketa Zientifikoen Goi Kontseilua (CSIC) Zientzia eta Berrikuntza Ministerioren mendeko erakundea da. Guztira 15.000 mila ikerlari ditu, eta bera da patente gehien dituen erakunde publikoa. Zortzi teknika esparrutan burutzen du lana. Josu Zabala MUko errektorearen iritziz, gaur sinatutako akordioaren bidez, bidelagun indartsua lortu du MUk.

Rafael Rodrigo CSICeko lehendakariaren esanetan, sortzen dituzten jakintzak praktikara eramatea ahalbideratuko die gaurko hitzarmenak.

Oinarrizko akordioa

Hitzarmen honekin, materialen arloan eta elikagaien arloan ikertzeko gaitasuna sendotu ahalko du Unibertsitateak. Elikagaiei dagokienez, hemen egingo diren ikerkuntza, garapen eta berrikuntza lanak baliagarriak izango dira 2011an irekiko duten Gastronomia Zientzien fakultaterako.

Gaur sinatutakoa, oinarrizko akordioa izan da, asmoa da, bertako puntuak garatzen joatea.

Bost urtetarako irupena izango du printzipioz hitzarmenak.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.