Mugagabea da bi sindikatu abertzaleek deitu duten greba: astelehen eta asteartetan lana egingo dute, ez ordea asteazkenetik domekara. Grebaren ondorioak nabarmenak ziren gaur Debagoienean: Olandixoko tuneleko lanak esaterako geldi zeuden, baita Txarapea ibilbidean egiten ari diren etxe multzo berrikoak ere.
LAB sindikatutik azaldu digutenez, patronalarekin negoziatzen ari diren hitzarmenarekin sortu diren arazoen ondorio da greba hau.
Euren esanetan, sindikatu nagusien salaketa da gero eta enpresa gehiago direla langile atzerritarrak kontratatzen dituztenak hitzarmenak markatzen duena baino gutxiago ordainduz. Hori erregulatzea eskatzen diete bai enpresa handiei eta baita azpikontratatutako enpresei ere.
Obrak kontratatzen dituzten erakundeen inplikazioa ere eskatzen dute, baita ikuskatzaileena ere.
Enpresariak, kontra
Adegi, Gipuzkoako enpresarien elkartetik bestalde, greba honek zentzurik ez duela adierazi dute. Euren esanetan, ELA eta LABen eskari bakar hori da negoziazio blokeatzen duena, eta hurrengo hauteskunde sindikaletara begira egindako greba da hau.
Gaineratu dute, enpresariak prest daudela negoziatzen jarraitzeko, eta adierazi dute era berean, Gipuzkoan sektore honek duen hitzarmena dela estatu osoko onena.