Motorzaleentzako segurtasun pantailak jarriko ditu Gipuzkoako Foru Aldundiak Arlaban eta Arrasate arteko errepidean. Horretarako Diputazioak lan horretan 321.000 euroko inbertsioa egingo du. Errepideko trazatuaren puntu arriskutsuetan eta bihurguneetan jarriko dituzte. Proiektua garatuko duen enpresak 3 hilabetetan burutu beharko ditu lanak eta aurrekontua 321.000 euro da.
Arlaban eta Arrasate lortzen dituen GI-627 errepidean moto gidarientzako segurtasun pantailak jartzeko proiektua lehiaketara aurkeztu du Gipuzkoako Foru Aldundiak. Leintz-Gatzagako, Eskoriatzako, Aretxabaletako eta Arrasateko 40 puntutan jarriko dituzte segurtasun pantailak.
Gipuzkoako Diputazioak segurtasun pantaila horiekin motor gidariek duten segurtasun eza konpondu nahi du.
Arrasateko Motozale Elkartekoek pozik hartu dute berria, baina neurri horiek nahikoa ez direla adierazi dute.
Moto gidari eta ziklistentzat errepideetan dauden babes hesiak oso arriskutsuak dira. Istripua izanez gero, moto gidari askok lesio larriak eta anputazioak jasateko arrisku handiak dituzte. Istripu gehienak bigarren mailako errepideetan gertatzen dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak