'Mondragoneko 32 gako enpresarial' liburua aurkeztu du Iñazio Irizarrek

Iñazio Irizar, MUko irakasle eta Euskaliteko kontsultoreak Greg MacLeord filosofoarekin batera “Mondragoneko 32 gako enpresarial” liburua aurkeztu dute Garaia berrikuntza gunean. Nazioartean bailarako eredua behin eta berriz aipatu izan da, eta orain krisi garaiotan ere eredugarri izaten jarraitzen du.

Orain artean hiru liburu argitaratu ditu Iñazio Irizarrek Mondragon taldearen inguruan, baina oraingoan nazioarteko adituen aipuak bere egin eta Mondragonen gako garrantzitsuenak azpimarratu ditu.

2009ko uztailean The Guardian egunkariak Mondragonekoak moduko enpresak sustatu behar direla aipatzen zuen, eta Know Network eta Teleos-en txosten baten arabera, Mondragon Korporazioa Europako hamar enpresa onenen artean kokatu zuten.

Aurkezpenean Irizarrek adierazi duenez, Mondragonen arrakasta eta bikaintasuna elkarlaguntzan datza, hori dela eta ez baita kaleraturik egoten, bazkide direnen artean behinik behin. Liburuak erabilgarri eta inspirazio iturri izan nahi du, kanpoko profesionalentzat aberastasuna eta enplegua sortzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.