'Mondragoneko 32 gako enpresarial' liburua aurkeztu du Iñazio Irizarrek

Iñazio Irizar, MU-ko irakasle eta Euskalit-eko kontsultoreak Greg MacLeord filosofoarekin batera “Mondragoneko 32 gako enpresarial” liburua aurkeztu dute Garaia berrikuntza gunean. Nazioartean bailarako eredua behin eta berriz aipatu izan da, eta orain krisi garaiotan ere eredugarri izaten jarraitzen du.

Orain arte hiru liburu argitaratu ditu Iñazio Irizarrek MCC-ren inguruan, baina oraingoan nazioarteko adituen aipuak bere egin eta Mondragonen gako garrantzitsuenak azpimarratu ditu. 

2009ko uztailean The Guardian egunkariak Mondragon bezalako enpresak sustatu behar direla aipatzen zuen, eta Know Network eta Teleos-en txosten batek, Mondragon Korporazioa Europako hamar enpresa onenen artean kokatu zuen.

Bailarako kooperatibaren ereduak arrakasta izaten jarraitzeko, elkar laguntzak indar handia duela azpimarratu du Irizarrek gaurko aurkezpenean. Era horretan kaleratzerik ez da izaten apenas, bazkide direnen artean behinik behin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.