Mondragon Taldearen kooperatibak jasoko dituen industria parke berria egiten hasi dira Pune hirian, Indian. Aipatutako industria parkeak 240.000 metro karratu inguruko azalera dauka eta taldeko zortzi bat kooperatiba jasoko ditu.
2007. urtean Txinan hasitako ibilbideari jarraipena emanez, Indiako industria eta teknologiaren gune garrantzitsuenetakoa den Pune hiria aukeratu dute orain Mondragoneko arduradunek.
Hasiera baten, esan bezala, Mondragon Taldearen zortzi bat kooperatiba jasoko ditu parke berriak. Kide eta Danobat 2010eko lehen hiruhilabetekoan bete-betean lanean egotea aurreikusten dute.
Aurrerago beste kooperatiba eramango dituzte bertara. Ashutosh Sharma da Mondragoneko zuzendaria Indian eta baikor da hango industriaren etorkizunaz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak