Hamabi urte pasa dira irakaskuntza eredu berritzaile hau Euskal Autonomia Erkidegoko ikastetxeetan irakasten hasi zirenetik. Orain, ordea, Mondragon Linguak eta Santillana argitaletxeak egindako hitzarmena dela eta, ingelesa ikasteko Mondragon Linguak sortutako metodologia argitaratuko da.
EAEko ikastetxe erlijiosoak diren Kristau Eskolek egin zuten bat proiektuarekin eta ikastetxe horietan ere egongo dira aurrerantzean metodologia eta material horiek.
Ikaslearen burujabetasuna, oinarri
Metodologia ikaslearen burujabetasunean oinarritzen da. Ikasgaiak eta hizkuntza elkarren bitartez irakasten dira.
Merkatua zabaldu
Merkatua Euskal Herrian zabaltzeaz gain, Kataluniara hedatzea ere gura dute Mondragon Lingua akademiako kideek. Datorren urteko martxoan argitaratuko da material hau eta lehen hezkuntzako lehenengo eta bigarren zikloetan ezarriko da. Gerora, 14 eta 16 urte bitartekoetan zabalduko da.
Pauso hori ez dator ustekabean; lehendik ere Mondragon Linguak bazeukan ikastetxeekin elkarlana, EAEko 57 ikastetxetan erabiltzean da-eta dagoeneko euren metodologia eta ikas-materiala.