Adierazi dute erabakiok pausu bat gehiago direla PSOEren gobernuak Euskal Herrirako prestatu duen plan errepresiboan, eta GAL antolatu zuten politiko bertsuen bulegoetan hartutakoak direla gaineratu.
Euren esanetan, espainiar Estatuak Euskal Herrian krimena legezko bilakatu du, eta Iparraldeko atxiloketekin, frantziar estatua bide beretik doala ere ohartarazi gura izan dute.
Gaineratu dute, euren hitzetan gaur egun bizi dugun salbuespen eta demokrazia falta egoera duela 40 urteko diktaduraren parekoa dela, eta egoera honen aurrean Eusko Alderdi Jeltzalearen jarrera ere salatu dute.
Guzti honekin, datozen egunotarako antolatutako mobilizazioen berri ere eman dute. Hala, batetik datorren zapatuan Bilbon egingo den manifestazio nazionalean parte hartzeko gonbita luzatu diete herritarrei, baita Maritxu Kajoi egunean, arratsaldeko 13:30ean antolatu duten elkarretaratzera joateko ere.