Mobilizazioak deitu ditu ibarrean Amnistiaren Aldeko Mugimenduak

Ibarreko zenbait preso ohiek eta haien eta iheslari politikoen senideek prentsaurrekoa eman zuten zapatu eguerdian Arrasaten. Era berean, Amnistiaren Aldeko Mugimenduko kideak izan ziren udaletxeko agerraldian. Guztira, 50 bat lagun elkartu ziren, eta apirilaren 25erako Debagoieneko herrietan deitutako mobilizazioekin bat egitea eskatu zuten.

Era berean, Euskal Herriak askatasuna behar du! lelopean, hainbat ekitaldi deitu dituzte datozen egunotarako. "Amnistiaren aldeko mugimenduko 27 ordezkari epaituko dituzte Madrilen, apirilaren 21etik aurrera. Argi izan dezatela, azken presoa etxean izan arte, amnistiaren aldeko mugimendua egongo dela".

Ekitaldiak egubakoitzean, hilaren 18an, hasiko dira. 30 urteko lanaren laburpena bideo emanaldia izango da Arrasateko Arrano elkartean, 19:30ean. Zapatuan eta domekan Oñatin, Aretxabaletan eta Bergaran egingo dituzte emanaldiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.