Hogei urte daramatza Osasungoa Euskalduntzeko Erakundeak osasun jardunaldi hauek antolatzen. Hego Euskal Herrian ez da halako beste ekimenik egiten, eta medikuntza arloan euskara sustatzeko jardunaldi garrantzitsuak dira. Euskarak zientziaren esparrua ere irabazi beharra baitauka.
Osasunean emakumeek zeresan nabarmena
Bihar arte Emakumearen eta Osasunaren inguruan mintzatuko dira. Osasunaren alorrean emakumeek zeresan nabarmena daukate. Eurak dira gaixotasun gehien jasaten dituztenak. Eta hori ezin da arrazoi biologikoengatik azaldu, emakumeak gizartean duen paperagatik baizik.
Arantzazuko Gandiaga Topagunean izango dira bihar arte jardunaldi hauek. Minbizia, ugalketa, osteoporosia, sexologia edo psikoterapia izango dira hizpide besteak beste.