Markel Olanok dio elkarlanean jardunez indartuta aterako garela krisitik

"Guztiz sinetsirik nago krisi honetatik indartuta aterako garela, gure esku diren bitarteko guztiak ari baikara jokoan jartzen, gipuzkoar guztien itxaropenak hobetzeko, oinarrian ditugularik elkarlana eta lankidetza". Mezu hori zabaldu nahi izan du Markel Olano diputatu nagusiak Arrasaten, MUko Goi Eskola Politeknikoaren areto nagusian eskainitako berbaldian.

Krisi ekonomikoaren "egoera eta aukerak" izan ditu aztergai. Hala, bizi dugun mundu mailako krisi larriaren kausak aztertu eta diagnostikoa egin du, eta krisitik ateratzeko eta beronen efektuak leuntzeko Foru Aldundiak abian jarri dituen neurriak ezagutzera eman ditu. Aspaldiko atzeraldi ekonomiko eta krisi orokorreko "garairik okerrena" gainditzeko, "guztion artean" saiatu behar dugula azpimarratu du.

Javier Sotil Mondragon Unibertsitateko presidenteak egin du aurkezpena eta ekitaldia jarraitu dute Debagoieneko hainbat enpresaburuk, alderdi politikoetako zein hezkuntza alorreko ordezkarik eta bestelako pertsona ezagunek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.