Mankomunitateak hiltegiaren inguruko bilera egin du

Mankomunitateko hiltegi batzordeak argi dauka hiltegiaren egoera makala eta geldoa dela eta horri buelta emateko lanean jarri behar dutela. Egoeraren azterketa egiten dihardute orain, eta aurrera pausuak emateko adituen iritzia ezagutu nahi izan dute. Eta horixe izan da hain zuzen ere gaurko bileraren helburua, Durangoko Erralde hiltegiaren esperientzia ezagutzea.  Pedro Iturbe hiltegi batzordeko lehendakaria da eta argi dauka ezinbestekoa dela hiltegian dinamika berria sortzea.

Hiltegiaren gestio finkatzea litzateke dinamika hori sortzeko eman beharreko lehenengo pausua. Hiltegiak publikoa izan behar duela, baina, argi daukate.

Lehenengo sektorea sustatu eta bultzada bat emateko hiltegi txikiak beharrezkoak direla uste du Iturbek.

Erralde hiltegiaren esperientzia ezagutu ostean, Pedro Iturbek eskatu die bertara joandako alkate eta zinegotziei entzundakoaren gainean hausnarketa bat egitea. Zer motatako hiltegia nahi duten pentsatzea,  alegia. Zentzu horretan hiltegian sortu nahi duten dinamika hori lortzeko Udaletatik egin daitekeena aztertzeko eskatu die Iturbek.