Maiatzeko langabezia tasa, azken lau hilabeteetako baxuena

Maiatzean, Debagoienean, 3.358 langabe zeuden erregistratuta; ehun bat gehiago zeuden martxoan eta apirilean; eta 15 gehiago, otsailean. 2009ko orain arteko hilabeteen artetik, soilik urtarrilak hobetzen du maiatzeko langabezia tasa: 3.108 debagoiendar zeuden lan barik urte hasieran, orain baino 250 gutxiago.

Herrika, Eskoriatzak du langabezia tasarik altuena (% 12,75) eta Arrasate eta Aretxabaleta daude zerrendan hurrena. Elgeta da egoerarik onenean dagoen herria eta langabezia tasa % 8 azpitik duen ibarreko herri bakarra. 

LANGABEZIA TASA
2009ko maiatza
Antzuola 84 (%9,23)
Aretxabaleta 358 (%11,09)
Arrasate 1.423 (%12,30)
Bergara 697 (%9,71)
Elgeta 38 (%7,72)
Eskoriatza 265 (%12,75)
Leintz-Gatzaga 11 (%8,27)
Oñati 482 (%8,92)
Debagoiena 3.358 (%10,84)

Euskal Autonomia Erkidegoari dagokionez, eta maiatzeko datuekin alderatuta, ekainean langabezia jaitsi egin zen Bizkaian eta Gipuzkoan; aldiz, igo egin zen Araban.

Nolanahi ere, iazko ekaineko datuekin alderatuz gero, langabeziak behera egin du Hego Euskal Herri osoan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.