Partidua galdu izan balute moduan erretiratu dira zale oñatiarrak etxera. Izan ere, bigarren zatian 1-0ekoa egin eta gero (Unai Arregi) Vasconiak luzapenean egin du berdinketaren gola, 94. minutuan zorrotzagoak izateko. Eta egoera gehiago aldrebesteko, Vasconiak 10 jokalarirekin lortu du emaitza berdintzea.
Aretxabaletari dagokionez, Hiru puntu balio izan zituen gola egin zuen Espinosak, luzapeneko 92. minutuan –epaileak 97. minutura arte itxaron zuen norgehiagokaren amaiera adierazteko–. Eta, urrezko gol horrek balio handiko puntuak ematearekin batera, ekarpen gehiago egin zizkion Aretxabaletako taldeari: batetik, etxean jokatutako aurreko hiru partiduetan UDAk ez zuen irabazi, eta bolada txar hori eten zuten; bestetik, Arenazak onartu moduan, garaipen horrek balio izan du jakiteko UDAk aurten ze helburugatik egin behar duen lan: "Orain sailkapeneko lehenengo postuetan gaude, eta Tolosak galduta estutu egin da dena. Lehenengo bost postu horietan egoteko borrokatu behar gara".
Mondrari dagokionez, norgehiagoka bat galtzeko moduak eta moduak daude, eta zapatuko partidua amaitzerakoan, markagailuak 0-1 erakusten zuela Mojategiko zaleek txaloka agurtu zuten Mondra. Detaile esanguratsua da hori, izan ere, Mondrak markagailuak islatzen ez duen partidua egin zuen Real Unionen kontra. "Galdu arren, orain arteko partidu onena jokatu dugula esango nuke. Gainera, asko eskertzen ditugu txalo horiek", adierazi zuen Andoni Azkargortak.
Horrela geratzen da sailkapena:
Sailkapena
Puntuak JP
1. Tolosa 18 8
2. Hondarribia 16 8
3. Pasajes 16 8
4. Real Union 15 8
5. Aretxabaleta 14 8
6. Idiazabal 14 8
7. Trintxerpe 13 8
8. Hernani 12 8
9. Zumaiako 12 8
10. Aloña Mendi 11 8
11. Berio 11 8
12. Ondarroako Aur. 9 8
13. Mondra 8 8
14. Euskalduna 8 8
15. Astig. Mundarro 6 8
16. EHU Vasconia 5 8
17. Anaitasuna 4 8
18. Amaikak Bat 3 8
Bestelako emaitzak:
Lehenengo erregionala
Antzuola-BTLS 5-1
Lagun Onak-Aretxabaleta 2-2
Anaitasuna-Mondra 0-1
Bergara-Ilintxa 2-1
Bigarren erregionala
Ikasberri-Bergara 2-3
Gazte mailako euskal liga
San Ignacio-Bergara 1-4
Abetxuko-Aretxabaleta 1-3
Ohorezko gazteak
Ondarroako Aurrera-Aloña Mendi 1-1
Lehenengo mailako gazteak
Soraluze-Aretx.Arizmendi B 2-4
Mondra-Elgoibar 0-3
Bergara-Ilintxa 1-4
Ohorezko kadeteak
Beasain-Arrasate 1-0
Aloña Mendi-Urola 3-0
Aretx.Arizmendi-Ordizia 2-2
Lehenengo mailako kadeteak
Aloña Mendi-Bergara 6-3
Arizmendi-Urki 0-7
Ohorezko infantilak
Tolosa-Bergara 6-0
Emakumezkoen liga
Eibartarrak Eibar-Aloña Mendi 3-0
Arizmendi-ArizmendiB 0-1
Emakumezkoen f-8
Ordizia-Aloña Mendi 0-4