Biharko Goienkariak elkarrizketa zabala dakar Errepide zuzendari Luis Mari Apraitzekin. Hona hemen aurrerapen bat:
Noiz inauguratuko da Olandixoko saihesbidea?
Uztaileko lehen astean inauguratu gura genuen, baina eraikuntzaren grebak eragina izan du gure asmoetan, eta gertatzen den arabera, uztail erdialde edo bukaerara atzeratuko du inaugurazioa.
Grebak eragin handia izan du, oso bizkor zihoazelako lanak, eta astean hiru egunean eteteak hori apurtu du.
Zelan joan dira lanak?
Normal; Mugarrietako biribilgunea hobetzeko lanak ere, obra handiagoa eta aurrekontua handitzea zekarten arren, obren plangintzan sartu dira. Gero, biribilgune horren ondoan, mendiaren magala asko mugitu zen, eta horrek behartu gaitu hura osatzeko gehiago hondeatzera eta euste-horma osagarriak egitera. Gorabehera hori ere ondo konpondu zen. Obra oso zorrotz egin dela eta emaitzak, orain arte, oso pozgarriak izan dira.