Nahaste horrek ordea probatik kanpo utzi ditu hiru debagoiendarrak. Elortzak gaineratu du hotz ikaragarria egin duela, -25 eta -35 gradu bitartean, hain zuzen ere. Gaineratu digu elurra gelditu gabe egin duela eta haizeak gogor jo duela. Ondorioz, proba suspendituko ote zutenaren beldur ere izan direla. Partehartzaile askok eguraldi txarragatik lasterketa utzi dutela ere kontatu digu Elortzak.
Bestalde esperientzia ona eta polita izan dela azaldu dio Loreti Elortzak Asteleheneko Goienkariari. Esan ere, nesketan irabazleak suitzarrak izan dira. Errekor berria egin dute gainera: 7 ordu eta 54 minutu behar izan dute; hain zuzen ere, aurreko errekorra baino 20 minutu gutxiago.
Aipatu, mutiletan, Aitor Otxoa, Iban Letamendi eta Fernando Monasterio oñatiar hirukoteak 11 ordu eta 15 minututan egin dutela lasterketa guztia. Mutilak lortutako emaitzarekin gustura azaldu direla esan digu Elortzak. Gorka Galdos oñatiarrak ere proba 13 orduko denborarekin amaitu zuen.