Mendate guztiak zabalik daude, baina kontu handiz gidatu behar da

Azken ordua (15:10): ibarreko mendate guztiak zabalik daude, baina kontuz gidatzeko gomendatu dute, elurra dela-eta. Eusko Jaurlaritzako Herrizaingo sailak martxan jarri du Neguko Bide-zaintza Plana eta kontuz gidatzeko gomendioa egin du.

Euskalmeten iragarpenaren arabera, giro desatseginarekin jarraituko dugu ondorengo orduetan: zerua oso hodeitsu egongo da, tenperatura jaitsi egingo da eta zaparradak botako ditu. Gainera, noizbehinka, ekaitzak jo eta txingorra botako du. Elur-maila 500 m inguruan kokatuko da; barnealdean, beherago. Ipar-mendebaldeko haizea gogor ibiliko da.

Bihartik, hobera

Bihar, egubakoitza, giro bustiarekin jarraituko dugu, baina tenperaturak gora egingo du. Elurra 600 metrotik gora botako du goizean goiz; 1.000 metrotik gora, egunak aurrera egin ahala.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.