Elurra ari du eta errepideetako egoerak okerrera egin du

Azken ordua (14:15): Elurra ari du lekurik garaienetan eta Leintz Gatzaga itxi egin dute kamioi eta ibilgailu artikulatuendako; autoek kateak behar dituzte. Epeletik Kanpanzarrerako bidea ere itxita dago. Autoa hartu behar bada kontuz gidatzeko gomendatu dute eta mendateren bat pasa behar bada kateak eramatea komeni da autoan, momentu batetik bestera alda baitaiteke egoera.

Gauean elurra egin du eta orain ere hala ari du zenbait lekutan. Ibarrean, Leintz Gatzagan dago arazo nagusia; itxita dago mendatea ibilgailu guztiendako. Gainontzeko mendateetan kontuz gidatu behar da. Eguraldi iragarpenaren arabera, egun osoan zehar zaparradak botako ditu, noizbehinka trumoitsuak. Elurra egingo du 200-300 metrotik gora.

Mendateen egoera (12:37)

  • Arlaban: zabalik, kontuz.
  • Deskarga: zabalik, kontuz.
  • Elgeta: zabalik, kontuz.
  • Kanpanzar: zabalik, kontuz, Arrasatetik. Epeletik itxita
  • Kurtzeta: zabalik, kontuz.
  • Leintz Gatzaga: itxita kamioi eta artikulatuendako; autoek kateak behar dituzte.
  • Udana: zabalik, kontuz.

Joxe Landaren eguraldi iragarpena


powered by ODEO

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.