Sarrera berrian anbulantziendako eta autoendako aparkaleku txiki bat egokitu dute gaixoak ahalik eta baldintza onenetan iristeko ospitalera. Aparkaleku hori eta ospitaleraino doan pasabide txikia estalita egongo dira, euria egiten badu ez bustitzeko.
Debagoieneko Ospitaletik jakinarazi dutenez, Larrialdietako Zerbitzura sartzeko aldaketa hori ospitale berria egiteko obren ondorioz egokitu behar izan dute. Obra horien harira, adierazi dute, baita ere, eraikin berriaren lanak oso erritmo onean doazela.
Ospitale berria oraingo eraikin zaharraren eskumako paretaraino iritsiko da, beraz orain fatxada horretan dauden sarrera guztiak ezkerraldera aldatuko dituzte etorkizunean.
Horrez gainera, anbulatorio eta Zerrajerako etxeen ostean egokituta dagoen aparkalekutik datozen oinezkoek ere ezin izango dute orain arteko bide hori egin eta gaurtik aurrera ospitalearen eta Telefonikako eraikinaren atzetik joan beharko dira sarrera nagusira.
k