Lapurretak saihesteko jarraibideak emango dizkiete dendariei

Ibarreko merkatarien elkarteek eskatuta, Debagoieneko Mankomunitateko Garapen agentziak 'Segurtasuna merkataritza eta zerbitzu sektorean' jardunaldiak antolatu ditu eguaztenerako, hilaren 20rako. Arrasaten egingo dute, Kulturateko areto nagusian, 20:15ean; hizlaria Eusko Jaurlaritzako segurtasun pribatuaren unitateko arduraduna izango da. Ibarreko dendari eta zerbitzuetako langileei zuzenduta dago.

Merkatariak kezkatuta daude inoiz baino lapurreta gehiago izan direlako azkenaldian: "Zelanbaiteko inpunitatea dagoela dirudi; lapurretak herriko erdigunetan, egunez, egiten dituzte; eta kasu gehienetan ez dituzte zigorrak jasotzen. Horren aurrean zelan jokatu jakin gura dugu", esan digu Arrasateko Ibai Arteko presidente Arantza Arantzabalek.

Salaketak zela egin

Berbaldian beste herrietako esperientziak, salaketak zelan egin, aseguruak, alarmak, herriaren zaintza, segurtasun neurriak eta beste izango dituzte berbagai.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.