Herrizaingo Sailak lapurreta arriskuaz ohartarazi du Debagoiena, Debabarrena eta Urola aldeko dendetan. Azaldu dute lapurrek alarma sentsoreetan esparatrapua jartzen dutela, denda itxita dagoenean arazorik gabe sartu ahal izateko.
Herrizaingo Sailak azaldu duenez gehienetan lapurrak bi gizonezko izaten dira, kanpotarrak, askotan, eta ondo jantziak. Dendara sartuta, batek bertako langileari arreta galarazten dion bitartean, besteak alarma sentsoreetan kolore bereko esparatrapuak jartzen ditu. Horrela, denda itxita dagoenean arazo barik sartzen dira barrura. Hainbat kasu gertatu dira azken egunotan aipatutako hiru bailaretan.
Hori horrela, Herrizaingo Sailetik gomendatzen dute denda itxi aurretik alarma sentsoreak begiztatzea eta zerbait arraroa sumatuz gero Ertzaintzara deitzea, 112 telefonora.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak