LanTaLan webgunea; lan munduan euskara indartzeko tresna berria

Emun Kooperatibak bultzatutako lan tresna da LanTaLan. Euskararen presentzia lan munduan areagotzeko komunikazio foroa izateaz gain, enpresa zein erakundeetan euskararen erabilera handitzeko lagungarri diren hainbat baliabide doan eskaintzen ditu webguneak. Hala nola, euskararen gaineko arau eta aholkuak, hiztegiak eta zuzentzaile ortografikoak. Gaur, martitzena, egin dute webgunearen aurkezpena Arrasateko Kulturaten.

Helburuak

Bi helburu nagusiri erantzuteko sortu du Emunek webgunea:

  • Langile euskaldunei nahiz erdaldunei lanean euskara erabiltzen lagunduko dieten tresnak eskaintzea.
  • Lan munduaren euskalduntzean lanean ari diren eragileen arteko komunikazioa eta esperientzia trukaketa sustatzea.

Komunikazio foroa

Webguneak blog formatua du eta horrek azkartasuna eta elkartrukaketa hobetzeko aukera ematen dio webguneari. Hala, euskara planetan murgilduta dauden edota interesa duten enpresen arteko komunikazioa hobetzeko eta esperientziak trukatzeko foroa izan nahi du webguneak. Euskara planen gaineko informazioa ere ematen dute albisteetan.

Hala, gaur egun gaiarekiko interesa dutenei begira astero berri bat argitaratzen du blogeko moderatzaileak.

LanTaLaneko moderatzaileak berak egiten ditu albiste gehienak, baina badago albisteak bidaltzeko aukera ere kontaktu orriaren bidez.

Albisteei erantzun ere egin daiteke, erabiltzaileen arteko hartu-emana areagotuz.

Albisteak jasotzeko e-posta buletinera harpidetzeko aukera ematen du webguneak. LanTaLan buletina Postaria.com zerbitzuan oinarritzen da.

Baliabide eta tresnak

Bestalde, euskaraz lan egiteko baliabide eta tresnak eskaintzen ditu.

Adierazpenak

Dani Larrea Emuneko zuzendari nagusia eta Ainhoa Elices Emuneko kidea, webgunearen aurkezpenean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.