Lanpostu berriak
Merkatuari aurre egiteko berrikuntza eta sustapena dira, Mondragon Taldeak erabiliko dituen bi irizpideak, 2009-2012 aldirako. Jose Mari Aldekoak zuzentzen duen taldeak 2012rako 2.500 lanostu sortu gura ditu. "Aldaketak datoz, eta gure betebeharra da merkatuak sortzen dituen akerak aprobetxatzea", dio Mondragon Taldeko Enpresa Sustapenerako kide Jose Mari Usatorrek. Helburu hori lortzeko, Mondragon Taldeko Kontseilu Orokorrak sustapena bultzatzeko ildo nagusiak onartu zituen urtarrilean egindako bileran. Han aurreikusitakoaren arabera, 90 proiektu berri jarriko dituzte martxan hurrengo lau urteetan; baina, kooperatiba bakoitza izango da proiektu ezberdinak abian jarriko dituztenak.
Lanpostu berriak sortu ahal izateko, Mondragon Taldeak energia berriztagarrietan eta gizarte-osasunesparruetan egingo ditu inbertsioak. "Gure asmoa da bi esparru horietan sartzea, eta bakoitzaren ikerketa bat egitea, 12 bat negozio egiteko aukera izan dezagun. ", esan du Mondragon Taldeko Sustapen Zentroko zuzendari Javier Vallsek.
Hiru giltzarri
Mondragon Taldeak 2012rako duen helburu nagusia da, bere fakturazioaren %30 produktu eta zerbitzu berriei esker lortzea, banaketa eta finanatzak alde batera utzira. Bestalde, etorkizuneko erronkei aurre egiteko hiru giltzarri erabiliko ditu Mondragon Taldeak, hain zuzen, berrikuntza, ekintzailetza eta nazioartekotza.