Lanparen birziklapenari buruzko informazioa banatu dute

Egun hauetan Arrasateko Eroskin birziklapenari buruzko informazioa eman dute. Ambilanp lanparen birziklapenerako elkarteak eta Eroskik elkarlanean sustatutako kanpaina izan da. Gaur egun merkatuan dauden lanpara mota guztiak ez dira birziklagarriak. Kanpaina honen bitartez, zeintzuk birzikla daitezkeen eta zeintzuk ez erakutsi digute.

Kontsumo txikiko lanparak, fluoreszenteak eta deskarga-lanparak dira birzikla daitezkeenak. Harizpidun bonbillak eta halogenoak, ostera, ezin daitezke birziklatu.

Nora eraman behar dira?

Eroski saltokietan kutxa bereziak jarri dituzte lanparak jasotzeko. Bestalde, Garbiguneetara ere eraman daitezke lanparak.

Jokoen bitartez sustatu gura izan dute birziklapena. Hala, Ambilanp eta Eroskik elkarlanean jarri duten postura joan direnek joko batean parte hartu eta sariak irabazteko aukera izan dute.

Ambilanp

Ambilanp 2005ean sortutako irabazi asmo gabeko elkartea da. Bere eginbeharra da aparatu elektronikoen eta elektrikoen hondakinak kudeatzeko legeak ezartzea. Lau urteko ibilbidean 28 milioi lanpara batu eta birziklatu dituzte.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.