Urrian gertatu zen moduan, azaroan ere gora egin du Debagoienean langabetuen kopuruak. Hala, urrian 2212 langabetu zeuden, biztanleria aktiboaren %7,14; azaroan berriz, 299 langabetu gehiago zeuden, 2511, biztanleria aktiboaren %8,10. Hilabete bakar batean, %13,5 egin du gora langabeziak Debagoienean. Kontutan hartzeko datua da hau, izan ere, Hego Euskal Herrian baino bost puntu gehiago egin du gora langabeziak ibarrean.
2008 hasieratik, %28,4 egin du gora langabeziak Debagoienean: urtarrilean 1986 ziren ibarreko langabetuak, azaroan baino 565 pertsona guxiago.
Herriz herri aztertzen hasiz gero, Arrasaten azaroan langabezi tasa %9, 54 izan zen; 1104 langabetu zeuden denera, urrian baino 129 gehiago.
Bergaran, 64 langabe gehiago zeuden azaroan, denera 531, biztanleria aktiboaren %7,4.
Oñatik izan du azaroan langabetuen igoera txikienetakoa: langabezia tasa %4,94 izan zen, hau da, 267 langabetu zeuden azaroan Oñatin, urrian baino 29 gehiago.
Aretxabaletan, urrian baino 33 langabetu gehiago zeuden azaroan; denera 290, hau da, biztanleria aktiboaren %8,99.
Dena den, Eskoriatza da Debagoieneko langabezia tasarik handiena duena; %10 hain zuzen ere. Eskoriatzako 33 langabetu gehiago egoon ziren azaroan, denera 290.
Antzuolan 9 langabetu gehiago zeuden azaroan, denera 78, eta horrek langabezia tasa %8,57n jarri zuen.
Elgetari dagokionez, herri hau da Debagoienean langabezia tasarik txikiena duen Debagoieneko herria, %4,57. Azaroan, pertsona bat gehiago zegoen langabezian bertan, denera, 23.
Leintz Gatzagan 10 pertsona zeuden langabezian, urrian baino bat gehiago. %7,52zen bertan langabezia tasa.
Hego Euskal Herrian
Hego Euskal Herriko datuei begiratuz gero, denera 9683 langabe gehiago zenbatu zituen azaroan INEMek. Urte batetik besterako datuak esanguratsuak dira: 2007ko azaroan 95200 ziren langabetuak, aurtengo azaroan berriz, 29706 gehiago, denera 124906. %8,4 egin du gora langabeziak Hego Euskal Herrian urritik azarora: gehien Nafarroan, denera %10,15, eta gutxien Gipuzkoan, %7,5.