Gidaliburuak 28 orrialde ditu eta 50.000 ale argitaratu dituzte; horietatik 40.000 banatuko dituzte Debarroko herri eta baserri auzo guztietan. Landa eremuan bizi direnei laguntzeko eta baserriko produktuak bultzatzeko herritarrek zer egin dezaketen jasotzen da gidaliburuan; hainbat ekintza proposatzen zaizkie herritarrei, era atsegin eta praktikoan.
Arteman Komunikazioek ekoiztu dute gidaliburua eta Debarroko hainbat enpresaren laguntza izan dute landa garapenerako elkarteek gidaliburua argitaratzeko; besteak beste, Euskadiko Kutxa, LKS eta ERKOOP.
Pertsona ezagunen babesa
Debagoieneko eta Debabarreneko zenbait pertsona ezagunek eman diote babesa proiektuari. Debagoieneko Markel Irizar txirrindulariak, ULGOReko sortzaile Alfontso Gorroñogoitiak eta Aretxabaleta eta Oñatiko alkateek. Baita Patxi Usobiaga eskalatzaileak eta Deba eta Eibarko alkateek ere.