Eguerdiko 12etan Mutualiaren egoitzan hasi eta Asepeyoren egoitzaraino martxa egin dute, osasun mutualitateen neurriek langileen osasunean eragin zuzena izaten dutela salatzeko: LABen ustez, langileek osatzeko behar duten denbora murriztu eta patronalaren interesen alde lan egiten dute.
Lan istripuen kopurua jaitsi izanari buruz, bestalde, Eusko Jaurlaritzak dioen arren enpresetan indarrean jarritako prebentzio planengatik egin dutela behera, LABek uste du beste batzuk direla jaitsiera horren arrazoiak; alegia, azken boladako enplegu suntsiketaren eta lan erregulazio espedieenteen eraginez murriztu direla lan istripuak.