LAB: "Lan istripuen prebentzioa gastu moduan ikusten da eta ez inbertsio bezala"

Lan osasunaren nazioarteko eguna da eta arrazoi horrekin elkarretaratzea egin du gaur LAB sindikatuak Oñatin, eskualde mailakoa. "Euren krisia, gure osasunaren kontura", hori izan da eguerdian salaketa egiteko erabili duten leloa. Oñatin egin dute elkarretaratzea, hain zuzen, herri hori izan delako "zigortuena lan heriotzei dagokienez, eskualde mailan". Lan munduko azken bi heriotzak Oñatin gertatu dira. Datu orokorrei begira, 2008an lan istripuetan 112 hildako egon ziren eta aurten dagoeneko 21 izan dira hildakoak, erkidego mailan. Jendeak kontzientzia hartzeko egin dute elkarretaratzea.

"Guztiz alde batera uzten den gaia da"

Jose Ramon Kortabarria, sindikatu abertzaleko ordezkatu azaltzen duenaren arabera, "lan zentroetan bigarren mailako" gaitzat hartzen da oraindik ere. Eransten du "enpresek ulertu izan" dutela prebentzioa "diru gastu bezala eta ez inbertsio moduan" eta une honetan "guztiz alde batera uzten den gaia" dela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.