Laukote gernikarra–Alex Sardui, ahotsa; Gaizka Salazar, bateria; Mikel Caballero, baxua eta Haimar Arejita, gitarra– Euskal Herrian zehar aurkezten ari da bere azken lana. Disko horretako abestirik ezagunena Bang-bang txik-txiki bang-bang izenekoa da, azken hilabeteetan irrati independenteek eta irrati-formulek askotan jarri dutena. Disko berriak 10 abesti dauzka: Bang-bang txik-txiki bang-bang; Eztanda egin arte; Ure dakar zeruek; Bizitzeko gogoa; Nor zara zu?; Pailazo; Zoragarrixori; Apirilaren 27; Zeu, zeu, zeu! eta Hitz artien galdute.
Jarraitzaile ugari
Gatibuk jarraitzaile fidel asko dauzka, eta jende pilo batek gozatzen du Alex Sardui eta konpainiaren zuzeneko beroetaz.
Gernikarrak hiru diskorekin etorriko zaizkigu 3.60 aretora, 2002an Zoramena izenekoa eta 2005ean Disko infernu bezala batailatutakoa ere ekarriko dituzte-eta.
Disko berria
Laino guztien gainetik, sasi guztien azpitik hirugarren diskoa tenpo erdiko abestiz osatuta dago. Rocka Gatibu taldearen erara. Sentimenduz jositako abestiak.