Gaur , estreinaldiaren egunean, aurkeztu dute saio berria. Haritz Solupe, Gipuzkoako Foru Aldundiko Kultura Sustapen eta Hedapeneko zuzendaria, Oihane Agirre GOITBko programazio arduraduna eta Jon Aldanondo Tokiko Elkarteko lehendakariak aurkeztu dute saio berria (adierazpenak erantsitako bideoan).
Aurkezpenean esan moduan, Gipuzkoako kulturaz "bustiko gaituen" telebista saio berria estreinatuko da gaur Goiena Telebistan 22:30ean, GipuzkoaKultura, eta asteroko hitzordu izango da gainera. Hauxe duzue iragarkia:
Gipuzkoako Foru Aldundiak sustatuta eta Gipuzkoa 2.0 egitasmoaren barruan, diputaziotik "kultur edukiak guztion eskura, erabilgarri eta modu errazean" bultzatu gura dituzte. Uztailean aurkeztutako plangintzaren urratsetako bat da hortaz saio hau.
Asteazkenetan, gaueko 22:30tan telebistaz euskara hutsean emititzen duten Euskal Herriko tokiko telebista guztietan, Lurreko Telebista Digitalean zein analogikoan eta Euskaltel bidez (911, 925, 933 kateak) ikusiko da.
Performace-a gaurko saioaren gaia
Ester Ferrer artista da lehen saioaren ardatza eta saioan haren lana eta bizitza islatuko dute. Esther Ferrer bakarrik eta ZAJ kolektiboaren partaide moduan eginiko performanceengatik da ezaguna.