Korrikaren kantua aurkeztu dute

Korrika bera eta bere inguruko ekitaldiak girotuko dituen kanta eta bideoa ezagutu ditugu gaur. Korrika 15eko kanta, 'Heldu Korrikari', Niko Etxartek konposatutako musikarekin eta bere berbekin dator. Bideoa, berriz, Unai Iturriagak zuzendu du.

Hapa-Hapa taldeko musikariak izan ditu Niko Etxartek laguntzaile abestian eta Euskal Herri osoko ahots eta estilo desberdinetako abeslariak izan ditu alboan: Barricada taldeko Enrique Villareal El Drogas, Dominic Earl, Betagarri taldeko Iñaki Ortiz de Villalba, Joseba Gotzon, Xabaltx, Arima Beltza taldeko Jon Gurrutxaga, Ozke taldeko Klod Etxebarria, Amaren alabak talde zuberotarreko Luxi, Maider eta Grasi, eta Bruno Hollemaert.

Ibilbidea

Korrika 15en behin betiko ibilbidea eginda dago. Martxoaren 23an eta 25ean pasako da Korrika gure ibarretik. Korrikaren webgunean ikus dezakezue herri bakoitzetik pasako den ordua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.