Kamiolarien grebaren eragina hasi da igartzen, bereziki, gasolindegi eta saltokietan - BIDEOA

Garraiolariek hasi duten grebak izua eragin du jendearengan, grebak izan ditzakeen ondorioak direla-eta. Atzo, astelehena, auto-ilara luzeak zeuden gasolindegietan. Ondorioz, zenbait gasolindegitan bukatu egin zen erregaia: Bergarako Osintxuko gasolindegian, adibidez.

Arrasaten ere, Hiper Eroskiko gasolindegian erregairik gabe daude bart gauetik. Musakolan, berriz, esan digute oraindik badutela erregaia, mota guztietakoa, gainera. Baina auto ilarak ere badituztela, kontuan hartzeko modukoak. Mekakoan kontatu digute berunik gabeko erregai oso gutxi geratzen zaiela, bukatzear dagoela. Eta diesela, berriz, espero dutela gaurko, martitzena, iritsiko dela. Gasolindegietan ez ezik, supermerkatuetan ere jende ilara handiak sortu ziren atzo eta zenbait apaletan produktuak bukatuta zeuden. Hala nola, umeendako pixoihalak eta umeendako esnea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.