Lehenago, erantzukizun handiko hainbat kargu bete ditu Euskadiko Kutxan, hala nola honako hauek: plangintza zuzendaria, idazkari nagusi teknikoa, enpresen bankako zuzendariorde nagusia eta, azkenik, Euskal Herriko sareko area komertzialeko zuzendaria. Euskadiko Kutxak ohar bidez adierazi du: "kargu horietan guztietan finantza-munduari eta entitateari buruzko ezagutza luze eta sakona hartu du, eta hori funtsezko alderdia da entitateak ziklo berriari begira jarraitu beharreko etorkizuneko estrategia diseinatzeko".
Elias Atutxaren erreleboa
Julio Gallastegik azken hiru ekitaldietan zuzendaritzan jardun duen Elias Atutxa ordezkatuko du. Atutxak bestelako zereginak beteko ditu Mondragon Taldearen barruan. Kontseilu errektoreak "aintzat" hartu du Elias Atutxak egindako lana, "finantza-sektorearentzat bereziki zaila izan den ingurune batean", eta eskerrak eman nahi izan dizkio horregatik.