Iritsi da ziklo-kroseko denboraldiko hitzordu garrantzitsuenetako bat, Espainiako txapelketa. Villarcayon jokatuko dute asteburuan, eta Jone Muxika Euskadiko selekzioa ordezkatzen izango da. Elgetakoak gaur, egubakoitza, egingo du estreinaldia, selekzioek errelebuka egingo duten lasterketan: "Gauza berria da, eta ez dakit itzuli bakarreko lasterketa egitea merezi duen, egun bat lehenago joan behar dugu-eta Burgosera". Bestela, Muxikak bihar izango du hitzordu nagusia, emakumezkoen lasterketan: "Euskadiko zirkuituan baino lehiakide gogorragoak izango ditut, baina aurrean egoteko asmoz noa".
Elgetakoak Euskadi ordezkatuko du gaur, bihar eta etzi Burgosen egingo duten txapelketan. Euskadiko Txapeldun izanda, denboraldia biribiltzen ahaleginduko da Muxika.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak