Datorren martitzenean, otsailak 16, emango zaio hasiera Debagoieneko Jardunaldi Gastronomikoen IV. edizioari; Oñatiko herriko plazan izango da aurkezpena, arratsaldeko sei t'erdietan. Txerrikia izango da edizio honetako produktu izarra eta, beraz, txerri produktuekin egindako pintxoak banatuko dituzte –txistorra, odolki nahaskia eta hirugiharra–; pintxoa eta ardo tragoa, euro baten truke. Eta behin aurkezpen ekitaldi hori eginda, ekimenean parte hartuko duten zazpi jatetxeetan gertu izango dituzte menu bereziak.
Otsailaren 16tik martxoaren 14ra
Basatxerri txerriki ekoizlearen produktuak izango dira menu berezi horietan, aske hazitako eta era naturalean elikatutako txerrietatik ateratako produktuak, beraz. Eta, aurreko edizioetan moduan, plana borobiltzeko gure eskualdeko eskaintza turistikoa ezagutzeko aukera ere eskainiko da.
Duela ia urtebete jarri zituzten martxan Debagoieneko lehen jardunaldi gastronomikoak eta bultzatzaileak pozik daude gero eta erantzun hobea ari direlako izaten. Zentzu horretan, Mankomunitateko Turismo batzordeburu Oxel Erostarbek jatetxeek egindako apustua txalotu du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
