Berez, lehenago bat egin zuten, baina atzo eraitsi zuten bat egite ekitaldirako eraikitako horma. Bat egitea irudikatzeko, Joxe Joan Gonzalez Txabarri Gipuzkoako diputatu nagusiak eta Ramon Rabanera Arabakoak bostekoa eman zioten elkarri atzo. Nuria Lopez Gereñu Eusko Jaurlaritzako Garraio eta Herri Lan sailburuak ere parte hartu zuen ekitaldian.
Bi tunel
- Gipuzkoatik Arabara joateko.
- Arabatik Gipuzkoara joateko.
Atzo Gipuzkoatik Arabara joateko tunelaren bi aldeek bat egin zuten. Arabatik Gipuzkoara joateko tunelaren bi zatiek bat egiteko 200 metro inguru falta dira, eta datozen asteetan elkartzea aurreikusi dute.
2008rako prest
Zuloaren bi aldeek bat egin dute, baina oraindik urtebete inguru falta da tunela eta AP-1 autobide osoa, 46 kilometroak, zabaltzeko: 2008ko urtarrilaren 1ean zabaltzea espero dute.Instalazioak
Tunelak izango ditu:- 61 kontrol kamera
- 60 informazio panel
- 216 bozgorailu
- 48 haizagailu
- larrialdietarako 55 zutoin
- hodien arteko hiru pasagune ibilgailuentzat eta zortzi oinezkoentzat.
Autobidearen egungo egoera
Zabalik
Eibar (Maltzaga)-Arrasate: 15,1 kilometro.- Eibar (Maltzaga) - Bergara iparraldea (7,2 km)
- Bergara iparraldea - Bergara hegoaldea (4,4 km)
- Bergara hegoaldea - Arrasate (3,5 km).
Zabaldu gabe
Zati hauek 2008ko urtarrilaren 1ean zabaltzea espero dute. 30,7 kilometro dira guztira.
Arrasate-Eskoriatza: 6,3 kilometro. 106 milioi euroko aurrekontua.
Eskoriatza-Isuzkitza (Arlaban): 10,8 kilometro. 192 milioi euroko aurrekontua.
Isuzkitza (Arlaban)- Luku: 7,2 kilometro.
Luku-Etxabarri Dibina: 6,7 kilometro.
