Iraila %9,2ko langabezia tasarekin bukatu du Gipuzkoak, INEren arabera

Adierazle guztiek gauza bera diote: langabezia hazi egin da. Espainiako Estatistika Erakundeak (INE) argitaratu berri dituen Biztanleria Aktiboaren Inkestaren emaitzen arabera, Gipuzkoan, urteko hirugarren hiruhilekoaren bukaeran, %9,2ko langabezia tasa egon da, eta 2008ko epe beraren bukaeran, %4,8an zegoen tasa. Eustaten inkestaren arabera, %6,5ekoa izan da langabezia tasa urteko hirugarren hiruhilekoan.

Espainiak Biztanleria Aktiboaren Inkestarekin jarraituz, Gipuzkoan 32.000 langabe daude, 2008ko hirugarren hiruhilekoan baino 15.000 gehiago (+%88). Lana dutenak 315.900 dira, iaz baino 21.800 (-%7) gutxiago.

Euskadiko datuetara joaz, inkesta horrek dio iraila %11,5eko langabezia tasarekin bukatu duela erkidegoak; urteko bigarren hiruhilekotik, %9,7ko igoera. Orain arte, 2009an iaz baino 53.400 langabe gehiago daude (+%79,3). Lana dutenak %1,2 gutxiago dira bukatu berri den hiruhilekoan aurrekoan baino (924.400 langile gaur egun).

Hego Euskal Herri osoan, %11,3koa da langabezia tasa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.