Iñurrategik Broad Peakeko gailur nagusia egin du

'Naturgas Broad Peak' espedizioak hiru gailurrak zapaldu ditu. Atzo, domeka, Alberto Iñurrategik lortu zuen gailur nagusia egitea (8.047 metro), sei orduren ostean. Goizeko hiruretan irten zen mendizalea 7.100 metroko kanpalekutik eta 9:00etan iritsi zen gailurrera.

Zapatuan, ostera, Iñurrategik, Vallejok eta Zabalzak Broad Peakeko bigarren gailurra egitea lortu zuten (8.013 metro).

Historia egin dute

Modu horretan, gainera, historia egin dute hiru mendizaleek; izan ere, lehenengo aldia da euskal espedizio batek zortzimilako batean bidea zabaltzen duena.

Munduan, seigarrena

Hiru tontorrak jarraian egitea lortu duen seigarren mendizalea bihurtu da Iñurrategi.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.