Iñurrategi, Vallejo eta Zabalza etxean

'Naturgas Broad Peak' espedizioak hiru gailurrak zapaldu zituen hilaren 18an. Modu horretan, gainera, historia egin dute hiru mendizaleek; izan ere, lehenengo aldia da euskal espedizio batek zortzimilako batean bidea zabaltzen duena. Alberto Iñurrategik lortu zuen gailur nagusia egitea (8.047 metro), sei orduren ostean. Goizeko hiruretan irten zen mendizalea 7.100 metroko kanpalekutik eta 9:00etan iritsi zen gailurrera. Hala, hiru tontorrak jarraian egitea lortu duen seigarren mendizalea bihurtu da Iñurrategi.