Iaz Naturgas Hornbein espedizioak ez zuen gailurrik egin, eta indarberrituta, beste proiektu bati ekingo diote Alberto Iñurrategik, Mikel Zabaltzak eta Juan Vallejok, Naturgas Broad Peak 2010 espedizioa. Zortzimilakoen lasterketaren aurrean, hirukote honek beste erronka batzuen aldeko apustua egin du. Hala, Broad Peak -eko hiru gailurrak igotzen ahaleginduko dira, estilo alpetarrean. Igoera horrek, iazkoak moduan, zailtasun tekniko handiko eskalada esan nahi du: oxigenoaren artifizialaren erabilpen barik, aurrez jarritako soken laguntza barik, zamaketarien laguntza barik. BAT Basque Team taldearen laguntza izango dute aurten ere. Espedizioa gaur, eguaztena, abiatu da, 06:00etan Bilbotik.
Alberto Iñurrategik, Mikel Zabaltzak eta Juan Vallejok gertu dute Naturgas Broad Peak 2010 espedizioa, eta gaur bertan abiatu dira Islamabadera. Iazko Hornbein-eko espedizioaren haritik, hirukoteak igoera berritzaile bati ekingo dio, konpromiso handiko igoera bati, estilo alpetarrean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak