Mankomunitateak Innovanet sareari atxikitzeko hitzarmena sinatu du. Innovanet sarearen helburua zera da: enpresei berritzaile izaten lagunduko dieten ekimenak eta programak bultzatzea eta kudeatzea. Horretarako, lehiakortasunaren politika gaur egun zein haritan mugitzen den ikustarazteko jarduerak antolatzen ditu, eta informazioa eta gidaritza eskaintzen du enpresen beharrizanetara hobekien egokitzen diren ekimen publikoetara iristeko.
Ehun erakundetik gora
Euskal Herrian sustapenaren eta berrikuntzaren eremuan esku hartzen duten eragileen arteko topagunea izatea da beste helburuetako bat, foro hori euskal enpresa-sare osora hedatzeko, eta, hartara, ekimenak hari finagoetan banatzen direla bermatzeko. Innovanet, besteak beste, Eusko Jaurlaritzak, SPRIk, foru aldundiek, Confebaskek eta Herri Garapenerako Agentzien Elkarteak (Garapen) eta Mankomunitateak eratu dute.
Innovanet-en barruan 100 erakundetik gora daude. Bertara edozein enpresa atxikitu daiteke, bai Gipuzkoako enpresarien elkartetik eta baita Mankomunitateak emango dituen hitzaldi informatiboen bidez, oharra guztiei pasako zaie eta. Oxel Erostarbe Mankomunitateko batzorde buruaren arabera, "enpresek beraien kezka, duda, berrikuntza plan, kudeaketa mota eta bestelakoak leku konkretu batera bideratzea da asmoa".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak