Beste hainbat alderdi
Consumer aldizkariak egindako txostenean, autobideen bidesariez gain, beste hainbat alderdi ikertu dituzte, besteak beste, zoladuraren egoera, segurtasuna eta garbitasuna, eta zerbitzuguneen egoera. Guzti horiek kontutan hartuta, bataz besteko nota eman diete autobideei; hala, A-8 autobideari "ongi" eman diote, eta Ap-1 autobideari, "oso ongi".
Ikerketaren arabera, Bilbo eta Donostia arteko autobidearen zoladura egoera "oso onean" dago, eta autobidearen segurtasuna "ona" da. Errepide honi jartzen dioten eragozpen bakarra da: errepidearen eskuin aldean dauden aldapa, horma eta hes gehiegi daudela. Bestalde, A-8 autobidean aztertu dituzten bi zerbitzu guneak "eskasak" direla dio Consumer aldizkariko txostenak.
AP-1 autobidearen zoladura, segurtasuna eta tunelen egoera "oso onak" dira.
Foru araua aldatzeko eskaera
Bestalde, Aralarrek, autobideen bidesari siteman aldaketak egitea proposatu du Batzar Nagusietan. Hain zuzen, Suitzan eta Austrian erabiltzen duten sistema eskatu dute."Guk eskatzen duguna da, ibilgailu arinendako urteko kuota bat finkatzea, Suitzan egiten den moduan. Era berean, 3,5 tonatik gorako ibilgailuak