Ikasle eta irakasleen artean ekintzailetza sustatzeko plan integral bat jarri du abian Mondragon Unibertsitateak

Usoa Agirre 2006ko abe. 12a, 09:30
Plan horrek, enpresa-proiektuak sustatuz, lana sortzea eta lehiakortasuna hobetzea ditu helburu. Neurri hori ekintzailetza-sistemen garapenaren bitartez artikulatuko da, bai heziketa akademikoan bai hortik kanpo. Horretarako, enpresak sortzea sustatuko duten bi programa aitzindari jarri ditu abian unibertsitateak.

Gaurtik aurrera, enpresa-proiektu anitzenak abian jarri ahal izateko berariazko erremintak eta programak izango dituzte ikasle eta irakasleek. Ostera, enpresek ekimenik anitzenak ikertzeko eta abian jartzeko unibertsitateko zerbitzu bat izango dute eskura.

Formula ezberdinak

Hainbat formula artikulatu ditu Mondragon Unibertsitateak:

  • Mondragon Ekiten: enpresa-aurreinkubagailua, eratu berria eta, enpresa sortu eta abian jarri aurreko faseak garatuz, proiektuak testatzeko balioko duena
  • Oinarri teknologikoak dituzten enpresentzako programa, ikerketa-proiektuetan lanean ari diren irakasleei zuzendurikoa eta ikerketa-proiektuen bideragarritasuna aztertzeko balio izango duena, baita etorkizuneko enpresa-proiektuak aztertzeko ere.
  • Ikuspegi akademikoari begiratuz, unibertsitateak Enpresa Proiektuen Zuzendaritzako Masterra du. Master horren bitartez, zuzendariek edo ekintzaileek behar dituzten ezagutzak, trebetasunak eta gaitasunak bereganatzen dituzte ikasleek.
  • Unibertsitateak Enpresa Administrazio eta Zuzendaritzako lizentziaturako bigarren zikloa du Bidasoako campusean, Irunen, ikasleen izaera-ekintzailea sustatzera zuzendurik dagoena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak