Igartzen duzu krisi ekonomikoa?

Krisi ekonomikoa eta bere ondorioak dira azken asteotako gai izarra. Astelehenean burtsek "astelehen beltza" bizi izan zuten, baina Europar Batasunak hartutako neurriekin, badirudi burtsak ere errekuperatzen hasi direla. Banku edo aurrezki kutxa batek porrot egiten badu, bezeroek erakunde horretan duten dirutik gutxienez 50.000 euro beti berreskuratuko dituzte. Europako Batasuneko Ekonomia ministroek gordailuen bermea igotzea adostu zuten atzo (lehen 20.000 euroan zegoen gutxieneko muga). Hainbat herrialdek, ordea, hortik gora ere segurtatuko dute. Espainiak, esaterako, 100.000 euro arte. Kalera irten gara krisi ekonomikoaren, prezioen igoeraren eta Europar Batasunak hartutako neurrien gainean galdetzera. Zer iritzi duzu zuk gai honetaz?