Idependentziaren aldeko aldarria eramango du GaztEHrriak Bruselara

Maiatzaren 29an izango da hori eta Europako Batasuneko egoitzaren aurrera eramango dute, hain justu ere. Etorkizunean Euskal Herri independentean bizi izateko aukera ukatzen zaiela argudiatzen dute euskal gazteriaren eskubide politiko eta zibilen aldeko mugimenduko kideek.

Gazteriaren beharrei erantzungo dien mugimendua sortzeko asmoa dutela adierazi dute. Euskal Herrian bizi izateko irtenbide bakarra independentzia da haien ustetan, eta aukera hori ukatu egiten zaiela salatu dute.

Horregatik, maiatzaren 29an Bruselara eramango dute independentziaren aldeko aldarria euskal gazteriaren eskubide politiko eta zibilen aldeko mugimenduko kideek, eta ekintza horrekin bat egiteko deia egin diete herritarrei.

Horrez gain, mugimendu horren alde pasa den apirilaren 2an Durangon egindako lehen indar erakustaldiak izandako arrakasta nabarmendu dute, eta Espainiako eta Frantziako poliziek Euskal Herriko hainbat gazte atxilotu izana salatu dute ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.