Horren bitartez gura dutena da Arrasateko eta Aretxabaletako Udalei bi eskaera egin: batetik Larriño eta Bedoña arteko bidea egokitu dezatela eta bestetik, Bedoñatik Arantzazura doan Erromesen Bidea berrindar dezatela. Horrela, EAJk uste du Udalek balio gutxi ematen diotela bide horri kultura, ingurumen eta turismoaren garapenerako. Gaineratu dute bide horren gaineko informazio eta bitarteko eza dagoela eta oro har, Bedoña eta Larriño bitarteko bidearen baldintzak eskasak direla.
Bedoña eta Larriño bitarteko bidearen baldintza eskasen harira, berriz, ibilbide hori egokitzearen beharra nabarmentzen dute, batez ere, oinezkoei eta txirrindulariei begira.
Besteak beste, Arrasateko eta Aretxabaletako EAJk pentsatzen dute lurralde koherentzia handiagoa emango liokeela horrek Urkulu inguruari. Eta baita ere, Debagoieneko birikia dela Urkulu eta halaber, guztiz hiritartuta dagoen haranaren lur eskasia arindu egiten duela.