Ibarrerako asmoak azaldu ditu Arantza Tapiak, Mugikortasunerako diputatuak

Goiena 2010ko eka. 2a, 18:15
Arantza Tapia Gipuzkoako Mugikortasunerako diputatua Bergaran izan da, Debagoienerako bere sailak dituen egitasmoen berri ematen. Herritarrak eta zenbait kargu publiko izan dira hitzaldian. Arrasateko herri barruko autobusa Lurraldebusen sistema barruan sartzeko asmoa azaldu du Tapiak; hiru urte dira lurraldebus martxan jarri zutela, eta herri arteko zerbitzu guztiak eta herri barruko zenbait jasotzen ditu bere baitan.

Gipuzkoarren laurdena Lurraldebusekin

Diputatua gustura dago Lurraldebusek izandako erantzunarekin: gipuzkoarren laurdenak erabiltzen du txartela, eta adibidez, izan dira egunak autobusez egindako bidaia guztien hiru laurdenak txartelarekin ordaindu direnak.

Txartela erabilita %40tik %90era bitarteko deskontuak lor ditzakete bidaiariek.

Bus Rapid Transit

Bus Rapid Transit delakoa ere izan zuen hizpide Tapiak. Tranbiarekiko alternatiba moduan planteatzen du Foru Aldundiak aukera hori, autobusaren eta tranbiaren arteko nahasketa, nolabait esatearren. Mugikortasun diputatuaren arabera egitasmoaren alderdi teorikoa landuta dago, praktikoa falta da, baina hau gauzatzeko ere oraindik denbora dezente pasako litzateke.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak