Mankomunitateko Turismo teknikariak, Ana Herizek azaldu digu jendea hasi dela informazioa eskatzen. "Zaila da aurreikuspena egitea krisi egoeragatik. Hala ere, jendeak interesa erakutsi du momentuz".
Museoak eta Bisita gidatuak
Bergaran, herriko erdigune historikoa ezagutzeko bisita gidatuak eskainiko dira. Eskoriatzan, Ibarraundi Museoa ezagutzeko, aldez aurretik egin daiteke eskaera. Leintz Gatzagan, berriz, gatz museoa gertutik bisitatzeko aukera ere badago. Oñatin, Debagoieneko Turismo Informazio eta Interpretazio Zentrotik bisita gidatuak izango dira Santutegira; baita unibertsitatera eta parrokiara ere. Arrikrutzeko kobak bisitatzeko aukeraz gain, espeleoabetura, kobak barru-barrutik ezagutzeko, eskaintza dago nobedade moduan. Eta Gomiztegin, aldiz, euskal artzainaren ibilbideaz gozatu nahi duten bisitariek ateak zabalik izango dituzte. Elgetan, Intxortako Interpretazio Zentroa gertutik ezagutu ahalko da aurtengo udan lehenengoz. Gomendagarria da, aurrez abisatzea bisita ezberdinetarako taldeak egiteko. Informazio guztia, jarraian, Mankomunitateko webgunean: turismodebagoiena.com.